知道bb有幾大啦＾＾

今日返阿媽度食飯，食完諗住行去過返數俾朋友啦~

點知行過天興藥房，竟然見到黃醫生~

而且佢仲要睇緊最後一個病人！


王生問我睇唔睇，我初初都覺得唔駛

(好似阻住人地收工，因為見天興老闆佢地係度執緊野)

但王生話睇下安全啲喎，咁我咪話是但啦~

於是拿拿臨問安哥攞張籌~

等左一陣，好快就有得睇啦~

王生問黃醫生仲記唔記得佢，黃醫生望左望就記得啦~

王生就同黃醫生講我早幾日驗到有左，咁啱經過開，見到佢係度，所以想俾佢睇下

黃醫生好開心咁恭喜我地，仲叫王生要幫我做家務，拎手袋阿之類~(笑)

之後黃醫生同我把脈，我就同佢講，我成日會痛，半夜仲會痛到醒

黃醫生聽完後鄒左鄒眉頭

把完脈後，黃醫生同我講，胎兒發展得不錯，照脈象睇有5個星期大啦~
但我有啲子宮下垂，會開返啲藥俾我提升返個字宮，如果唔理，由個子宮下垂的話，小產機會會很大~

我同王生都覺得可能係我之前唔知有左果時成日要搬重野，所以咁樣引致子宮下垂啦~

黃醫生係寫藥方時提醒我千其唔可以追車、跑、搬 / 拎重野、急步行、做粗重野，連去廁所辦大事都唔可以用力！

而且仲要多啲臥床休息

(可能係我子宮有啲下垂，所以咩都要慢同休息啦)

寫完藥方後，黃醫生再一次叮囑王生要幫我做家務，唔好俾我拎 / 搬重野，最好手袋都幫我拎~



哈~終於知道bb有幾大啦，我同王生仲一直認為得2星期大咋，估唔到有5個星期大~

而且睇完黃醫生後，我地都安心好多~

(你知啦，睇完之前果個王醫生搞到我地都好驚，超擔心)

真係要好感謝神，安排我地可以睇到黃醫生

好，黎緊要好好休息安胎啦~^^