養一個細路真係唔平

養一個細路真係唔平

加上我又睇中醫同埋私家醫生~

個價錢真係好犀利…

而家每個月都要用成差唔多2千蚊去睇醫生

未出世已經要用咁多錢，出左世更加多阿

真係好擔心架，不過我同王生都深信神賜左產業俾我地的話，必定會為我們去預備的

希望我地都努力學習這個信心的功課

知道左預產期啦

終於等到再去陳醫生度啦~

之前好心急想快啲到，因為可以睇吓阿b同知道阿b預產期係幾時~

陳醫生話今日可以嘗試吓照肚睇吓睇唔睇到~

決定要去廣華生

其實本來係邊度生都冇問題的~

陳媽媽同我講係邊度生都冇所謂啦，都唔會俾你住好耐架啦~

如果順產既話，都係住果2、3日，頂多俾你住多1、2日~

所以我都諗是但啦，去聯合度生都ok，反正我的地址都係要去聯合~

之但係，好死唔死咁俾我係網上睇到啲好恐怖啲野~

於是我同王生講︰「好驚阿！我唔想去聯合生阿，我地去廣華生啦好唔好？」

王生當然冇意見啦，生果個係我唔係佢嘛~

我拿拿臨問朋友借個地址黎用啦~然後打電話問廣華果邊呢個地址係咪可以係度生~

勁感恩阿，個地址可以係廣華度生~

而且同奶奶講會係廣華生時，奶奶話王生都係係廣華出世架~

真係好啦，咁樣就變得好有意思啦~


之後去左廣華度登記，第一次檢查要10月5日先有得做~


好在有去私家度檢查咋，如果唔係吓吓都要等成咁耐先有得檢查，我一定心急死~

講左俾老人家知嚕

本來我同王生諗住夠3個月先同老爺奶奶我媽佢地講~

一來我老爺奶奶佢地好迷信，費事未夠3個月時同佢地講，有咩事就賴我地~

二來係我馱得唔太穩定，驚會有咩意外，太早講大家會空歡喜一場

見到阿b啦

因為上次睇果個婦產醫生我地覺得唔係咁好啦，所以我之後搵過另一個係網上都有唔錯評價的醫生，叫陳柳娟。

今日王生請假同我去睇醫生~

陳醫生很耐心的聽我們說我們的境況，又很細心的問我們的問題~而且對話間讓我們安心不少呢~

之後陳醫生幫我照陰道超聲波，因為她說現在都可能太少，照肚的話未必能照到，所以就照陰道超聲波，免得一陣照肚照不到時又要再照陰道超聲波~然後我們見到啦

發緊夢

其實從知道有左果時開始到而家，我都仲係有啲不可置信~

因為真係冇咩真實感，可能太細，仲未有太多感覺的關係啦~

呢幾日我都處於發白夢的感覺~可能係唔相信會咁快就有下一代啦~

其實真係要好感謝神，若然唔係的話，我相信我地根本唔會咁快就有下一代~

從宜家開始，我地要好好的改變我地唔好的習慣啦~如果唔係第時都唔知可以點教到阿b啦~

而且要更加的親近神，咁第時先可以教阿b去親近神~

我係人地阿媽啦~(嘴角向上揚)

我相信同王生的關係會更升上一層~大家祝福我地啦~

嚴格的把關

自從黃醫生講話要我多啲臥床休息，唔好做粗重野後，王生真係好嚴格執行~

連飯都唔駛我煮，佢煮埋~(幸福)

真係辛苦佢啦，放工後仲要煮飯做家務~

而家開始過緊皇太后式的生活~

係臥床休息有啲辛苦，因為王生唔俾我隨便落床~

而且佢仲要我早瞓，唔可以咁夜瞓~

雖然好似好冇自由咁，但我知道王生好錫我地~

佢好緊張我同bb有啲咩事，所以先咁嚴

阿b，你出黎後記得要對爸爸好啲阿，因為佢為你做左好多野阿！